O camiño que nos une
O proxecto de dinamización 'O camiño que nos une', no que o GDR ASDECOMOR colabora coa AGADER e coa Secretaria Xeral de Política Lingüística, ten como obxectivo vincular o patrimonio natural e cultural coa visibilidade do territorio e da propia Asociación de desenvolvemento da Comarca de Ordes.
A proposta persegue a creación dun camiño que una os sete concellos da comarca, dando visibilidade en cada un deles a un espazo patrimonial de interese natural,cultural, histórico, arquitectónico...
O proxecto 'O camiño que nos une' xorde amais nun momento en que a importancia do coidado e a conexión coa natureza medra imparable na conciencia social colectiva polo que o proxecto quere amais contribuír á observación e conservación dos nosos espazos naturais,satisfacendo unha parte da demanda de programación cultural e de usos eco-recreativos do medio rural. Unha iniciativa que se implica na creación de estratexias e programas de turismo responsable na Comarca de Ordes.
Recomendacións e normas para a participación nas andainas:
- As andainas teñen unha lonxitude media de 4km e presentan dificuldade baixa.
- Recomendamos o uso de zapato e roupa cómoda e adecuada ás condicións meteorolóxicas das xornadas.
- Recomendamos traer chalecos ou algún elemento reflector para a andaina.
- A duración total prevista en cada xornada é de dúas horas.
- É obrigatorio o uso de máscara durante toda a actividade.
- Nas andainas con recorrido non circular contaremos con servizo de autobús para a volta ao punto de partida.
